أكاديمية الجزيرة العالمية

أكاديمية الجزيرة العالمية
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قصيدة مضمونها مناسب لسياسة الاكاديمية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المناضل
زائر



مُساهمةموضوع: قصيدة مضمونها مناسب لسياسة الاكاديمية   الإثنين سبتمبر 22, 2008 11:00 am

ياشعبي حبيبي... ياروحي يابيبي... ياحاطك في جيبي... ياإبن الحلال
ياشعبي ياشاطر... ياجابر خواطر... ياساكن مقابر... وصابر وعال
ياواكل سمومك... يابايع هدومك... ياحامل همومك... وشايل جبال
ياشعبي اللي نايم... وسارح وهايم... وفي الفقر عايم... وحاله دا حال
أحبك محشش... مفرفش مطنش... ودايخ مدروخ... وآخر انسطال
أحبـك مكبـر... دماغـك مخـدر... ممشـّي أمورك... كـده باتكال
واحب اللي ينصب... واحب اللي يكدب... واحب اللي ينهب... ويسرق تلال
واحب اللي شايف... وعارف وخايف... وبــالع لســانه... وكاتم ماقال
واحب اللي قافل... عيونه المغفل... واحب البهايم... واحب البغال
واحب اللي راضي... واحب اللي فاضي... واحب اللي عايز... يربي العيال
واحب اللي يائس... واحب اللي بائس... واحب اللي مُحبط... وشايف محال
واحبك تســـافر... وتبعد تهاجــر... وتبعت فلوسك... دولار أو ريال
واحبك تطبـّل... تهـلل تهبـّـل... عشان ماتش كورة... وفيلم ومقال
واحبـك تأيــّد... تعضّـد تمجّــد... توافق تنافق... وتلحس نعال
تحضّر نشـادر... تجـمّع كوادر... تلمـّع تقمـّع... تظبـّط مجـال
لكن لـو تفكـّر... تخـطط تقـرر... تشغللـّي مخك... وتفتح جدال
وتبدأ تشاكل... وتعمل مشاكل... وتنكش مسائل... وتسأل سؤال
وعايز تنور... وعايز تطور... وتعمللي روحك... مفرد رجال
ساعتها هاجيبك .. لايمكن أسيبك... وراح تبقى عبرة... وتصبح مثال
هابهدل جنابك... واذل اللي جابك... وهيكون عذابك... دا فوق الاحتمال
وامرمط سعادتك... واهزأ سيادتك... واخللي كرامتك... في حالة هزال
وتلبس قضية... وتصبح رزية... وباقي حياتك... تعيش في انعزال
هتقبل هاحبك .. هترفض هلبـّك... هتطلع هتنزل... هاتاكل نعال
الرجوع الى أعلى الصفحة اذهب الى الأسفل
Fighter
زائر



مُساهمةموضوع: ودي من تأليف العواد ولا حماد   الخميس سبتمبر 25, 2008 1:08 am

عموما مفيش فرق كبير
الرجوع الى أعلى الصفحة اذهب الى الأسفل
احذروا من هذه الأكاديمية



عدد الرسائل : 6
تاريخ التسجيل : 05/09/2010

مُساهمةموضوع: رد: قصيدة مضمونها مناسب لسياسة الاكاديمية   الأربعاء سبتمبر 08, 2010 11:19 am

[quote]ودي من تأليف العواد ولا حماد[/quote]

سواء ً كان هذا أو الآخر .. فهما على رأي المثل .. !!!! ( ما أسوء من سيدي إلا ستي !!! )

أو كما قال صاحب المثل .. !! ربنا ينتقم منهم هما الإثنين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة مضمونها مناسب لسياسة الاكاديمية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أكاديمية الجزيرة العالمية :: الفئة الأولى :: أكثر من رأي-
انتقل الى: